ဖုန်းဆက်မယ့်နေ့ကိုမျှော်နေမယ်
တခါတလေတော့လည်း ဟိုအရင်က ပျော်ခဲ့တာတွေကို သတိရတယ်မောင် အဲဒီအချိန်က အလုပ်မရှိသေးပဲ နည်းနည်းအဆင်မပြေချိန် ကျွန်မကလည်း အလုပ်တွေသိပ်မရှုပ်ခင်ပေါ့၊ မောင်မှတ်မိသေးလား ညနေဆို ကျွန်မကိုမောင်အမြဲလာကြိုတယ်လေ မောင်ကျွန်မကို အရမ်းချစ်တာ ကျွန်မသိတာပေါ့၊ ညနေတိုင်းတူတူ ကော်ဖီဆိုင်ထိုင်ခဲ့ကြတယ်၊ ကော်ဖိသောက်ရင်း နိုင်ငံရေးအကြောင်း ၊ လူမှုရေးအကြောင်းသူငယ်ချင်းတွေအကြောင်းပြောခဲ့ ရယ်ပွဲဖွဲ့ခဲ့ကြတယ်လေ။ ဗဟုသုတရစရာတွေလည်း ပြောခဲ့ကြတယ်၊ မောင်သဘောင်္လိုက်ပြီးတော့ အဲတုန်းက ဓာတုပစ္စည်းတွေတင်တဲ့ သဘောင်္ကိုမောင်စီးခဲ့ရတော့ အသက်ရှုထိခိုက်ပြီး မောင်အဆုတ်ရောင်ရောဂါတောင်ရလို့တော်တော်လေးကို ပြန်ကုစားခဲ့ရတယ်လိုမောင် ပြောပြခဲ့ဘူးတယ်နော်။ တလတခါတော့ ကျွန်မတို့ ရွှေတိဂုံဘုရားကို တူတူတက်ခဲ့တယ်၊ မောင် အိမ်ကခိုင်းတဲံအလုပ်တွေကို သွားလုပ်ရင်လည်း ကျွန်မက မခွဲတတွဲတွဲ တူတူလိုက်ခဲ့ကြဖူးတယ်။ လှည်းတန်းတ၀ိုက်က ကျွန်မတို့ခြေရာချည်းပဲပေါ့လေ၊ ခုလိုမောင်နဲ့ဝေးကွာနေတုန်းတော့ လှည်းတန်းဆိုတာ နီးရက်နဲ့ဝေးဆိုသလိုဖြစ်နေပြီပေါ့လေ၊ မောင်အလုပ်ဝင်ချိန်ကစလို့ မောင်နဲ့ကျွန်မ တဖြည်းဖြည်းဝေးသွားခဲ့တယ်။ မောင်က ကျွန်မချစ်သူလား မိတ်ဆွေလား ဆိုတာတောင် မသဲကွဲတော့ဘူး၊ တကယ်တော့ မောင်ဘယ်လောက်ပဲ အလုပ်ရှုပ်ရှုပ် မောင်နဲ့ ကျွန်မ အဲလောက်မဝေးကွာသင့်ဘူးမလားမောင်။ မောင်မျက်နှာတောင်မမြင်ရတာတော်တော်ကြာပြီနော်၊ မောင်နဲ့ကျွန်မနောက်ဆုံးတွေ့ခဲ့တာက မောင်လက်မှာအရိုးအတက်ထွက်လို့သွားပြတုန်းက တကြိမ်ကနောက်ဆုံးပဲနော်၊ အချိန်အားဖြင့် ၅လကျော်ပြီပေါ့လေ၊ ကြားထဲမှာမောင်၇ဲ့ဖုန်းခေါ်သံကြိုကြားကလွဲရင် ဖုန်းတောင်မပြောဖြစ်တာကြာပြီနော်၊ သတိရလားလို့မေးချိန်တောင် မရှိအောင်ပဲ မအားကြဘူးနော်၊ ညနေ မောင်ကော ကျွန်မကော အားချိန်ကြတော့ မောင်က ဆိုင်တစ်ခုခုဆီကိုရောက်နေပြီနော်၊ ကျွန်မအဲလိုရောက်နေတာကို နားလည်တတ်ပါတယ်မောင်၊ ခေတ်ခြေနေအရရယ် ပြီးတော့ အလုပ်ကိစ္စတွေရယ်ကြောင့် သွားရမှန်းလည်း နားလည်ပေးထားပါတယ်မောင်၊ ဒါပေမယ့် အဲလို ဆိုင်ရောက်နေချိန်တရက်တော့ ကျွန်မဆီကိုလာစေချင်တာပေါ့နော်၊ ဘာလို့လဲဆိုတော့ ချစ်သူသဘာဝ ကိုယ့်ချစ်သူကိုတွေ့ချင်တာပေါ့၊ ကျွန်မက အရွဲ့တိုက်တတ်တယ်မောင်၊ မောင်ဖုန်းမဆက်တာထက်၊ ကျွန်မက သတိရခြင်းကို ထိန်းချုပ်ပြီး မောင့်ဆီကိုနှိပ်မယ့် ဖုန်းခလုတ်ဆီရောက်မယ့် လက်တွေကိုထိန်းချုပ်ထားတယ်မောင်။ မောင်ဖုန်းဆက်ရင်လည်း ကျွန်မကောင်းကောင်းပြန်မပြောဘူး၊ ကျွန်မအဲလိုပြန်လုပ်တာဟာ အညှိုးကြီးတယ် ဆိုချင်ဆိုလို့ရပါတယ်။ ကျွန်မက ဥပက္ခာပြုခံခဲ့ရသူကိုး၊ တကယ်တော့ မောင့်ဆီကဖုန်းလာရင် အရမ်းကိုပြောချင်သူ တွေ့ချင်သူပါရှင်၊ ဒါပေမယ့် ကျွန်မမာနက မောင်နဲ့တွေ့ဖို့ခွင့်မပြုသေးပါဘူးမောင်၊ တနေ့တော့ မောင်နဲ့တူတူ ပြန်ပြီး လျောက်လည်မယ့်နေ့ကိုတော့ ရောက်လာအုံးမယ်လို့ထင်နေဆဲပါမောင်၊ ဟုတ်တယ်မဟုတ်လားဟင် မောင်ဖုန်းဆက်တာ အလည်လိုက်ပို့မလို့မဟုတ်လား၊ မျှော်နေတယ်မောင်၊ နောက်တခါဖုန်းဆက်ရင်တော့ ဖုန်းကိုင်ပြီး လျောက်လည်ဖို့ မောင့်ကိုပူဆာမယ်လို့ စိတ်ကိုဆုံးဖြတ်ထားတယ် ၊ ဖုန်းဆက်မယ့်နေ့ကိုမျှော်နေမယ်မောင်၊
မပိုးတီ ၂၊ ၁၁၊ ၂၀၁၃ ၂၃း၄၆
No comments:
Post a Comment